Plantun de Prouvènço

Pèr coumpara dos planto d'encò nostre

Equisetum palustre & Ranunculus repens

Counsòudo(-de-palun)

Equisetum palustre

Equisetaceae

Àutri noum : Cassòudo, Coussòudo.

Nom en français : Prêle des marais.

Descripcioun :
La counsòudo-de-palun trachis dins la palunaio. Ei proche de Equisetum arvense mai se n'en destrìo majamen emé si ramo que lou premié article èi mai courtet que la guèino de la tijo (fotò). Es uno planto mens coumuno qu'à passa tèms.

Usanço :
La counsòudo-de-palun es empouisounanto pèr li chivau e li biòu. D'efèt caup d'alcalouïde e de tiaminaso qu'èi marrido pèr la vitamino B1 (tiamino). Pèr acò èi pas emplegado pèr l'ome.

Port : Aubret
Taio : 15 à 50 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae

Ordre : Equisetales

Coulour de la flour : Ges de flour
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 2400 m
Aparado : Noun

Liò : Palun - Prado umido - Ribiero
Estànci : Coulinen à Termoumediterran
Couroulougi : Pancaro entresigna
Ref. sc. : Equisetum palustre L., 1753

Crèbo-biòu

Ranunculus repens

Ranunculaceae

Àutri noum : Auriflam, Gros-boutoun-d'or.

Nom en français : Renoncule rampante.

Descripcioun :
Lou crèbo-biòu, uno meno de gros-boutoun-d'or (Var) trachis dins li relarg umide, èi pèr acò qu'èi pas toujour, au nostre, uno planto coumuno. Se recounèis à si fiéu (estouloun) que podon faire fin qu'à 2 mètre de long e que s'enracinon (fotò). Li sepalo rèston contro li petalo e lou fru èi lisc.

Usanço :
Coume tóuti li ranouncle, es uno planto empouisounanto, tambèn pèr li bèsti (crèbo-biòu). Pamens un cop seco o couito, l'anemonino caupudo èi trasfourmado e pu toussico. Se dis qu'èro manjado cuecho di tèms de carestié.